พูดอีสานกันดีกว่า

กลับจากสถาบันถึงฮอดห้องได้จักคราว ฝนกะตกดีนะที่บ่โดนฝนซื้อข้าวเหนียวกับไก่อีกแล้วมื้อนิ
บ่ฮู้ว่าสิซื้อหยังเนาะไปกินนำบักอู๋ มีหมู่กินอีกแล้วจำได้ว่ามื้อคืนนิโทรไปหาน้องตอนดึกแล้วกะโทร

ไปหาหมู่นำกว่าสินอนได้กะเกือบตีหนึ่ง อาบน้ำเสร็จกะไปนอนอ่านหนังสือได้จักคราวกะง่วงนอน
เผลอหลับไปตอนได๋กะบ่ฮู้ ดีนะที่ปิดไฟแล้ว ตื่นมาอีกทีหนึ่งกะตอนเช้าๆได้ยินเสียงโหวกเหวกไผ

กะบ่ฮู้มาเว้าหยังบุ๊หนิเสียงดังขนาด ตอนนั้นยังง่วงอยู่แล้วกะนอนต่อ ฮ่าๆๆ ตื่นมาอีกทีกะเที่ยงแล้ว
หิวข้าวเนาะกะตื่นแหล่ะแม่ะ ฟ้าวอาบน้ำอาบท่าสิไปหากินข้าวหย่างไปห้องบักอู๋ถามหมู่มันว่าไปไส

หมู่มันว่าไปหาเอื้อยมัน อยู่ลาดพร้าวว่าซั้นโต๋กินข้าวไป่ ปะหากินข้าวพากันไปกินข้าวสั่งกระเพาหมู
กรอบกับไข่ดาวมา หิวแฮงกินจนหมดแหม่ะ แล้วกะมาห้องจักสิเฮ็ดหยังขี้คร้านอ่านหนังสือฮ้อนกะ

ฮ้อนแหม่ะอยู่ห้องคันบ่เปิดไฟกะบ่เห็นฮุ่ง ห้องมันมืดโพดเหลียวหาหยังกะบ่อเห็นเวลาอยู่ห้องต้อง
เปิดไฟไว้ตลอดเปลืองไฟขนาดเลย เล่าฮอดไสแล้วน้อ อ่อมาห้องแล้วกะว่าไปหาอ่านหนังสือห้อง

สมุดถาบันดีกว่าอยู่นิมันฮ้อนโพดอยู่บ่ไหว มาฮอดสถาบันกะประมาณบ่าย 3 โมงยังบ่ได้ไปฮอดห้อง
สมุดเลยเขียนไดอารี่ก่อน สิเมือแล้วไปก่อนเด้อ…

This entry was posted in สัพเพเหระ. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.